༄༅།།བོད་རྒྱལ་ལོ་ ༢༡༤༦ ཕྱི་ལོ་ ༢༠༡༩ ཟླ་ ༦ ཚེས་ ༦ ནས་ ༨ བར་གྱི་བོད་ཀྱི་རྒྱལ་ཡོངས་མང་གཙོ་ཚོགས་པའི་ཚོགས་ཆེན་ཐེངས་བརྒྱད་པའི་གྲོས་གཞི་གྲོས་ཆོད་ཁག་གཤམ་གསལ།

གྲོས་གཞི་དང་པོ། བོད་ཀྱི་རྒྱལ་ཡོངས་མང་གཙོ་ཚོགས་པའི་དབུས་སྤྱི་ཁྱབ་རྒྱུན་ལས་ཁང་དང་།ས་གནས་ཁག་གི་ལས་བསྡོམས་དང་རྩིས་ཁྲ་སྙན་སྒྲོན་དང་ཞིབ་བཤེར་གནང་རྒྱུ།
གྲོས་ཆོད། ༡༽དབུས་སའི་རྩིས་ཁྲ་ཁག་ཞིབ་འཇུག་སྙན་སྒྲོན་གནང་རྗེས་སུ་དབུས་ཀྱི་རྩིས་ཁྲར་བསྔགས་བརྗོད་དང་ཚོགས་པའི་ཚོགས་གཙོས་དབུས་སའི་རྩིས་ཁྲ་གཅིག་མཚུངས་དགོས་པའི་ལམ་སྟོན་གནང་ཡོད། སྤྱི་མོས།
གྲོས་གཞི་གཉིས་པ། བོད་ཀྱི་རྒྱལ་ཡོངས་མང་གཙོ་ཚོགས་པའི་འགན་འཛིན་ལྷན་ཚོགས་ཐེངས་ལྔ་པའི་གྲོས་ཆོད་ཁག་ལག་བསྟར་འཐུས་ཚང་བྱུང་མིན་དང་འཇུག་སྐྱོང་བྱ་ཕྱོགས་སྐོར།
གྲོས་ཆོད། ༡༽འགན་འཛིན་ལྷན་ཚོགས་ཐེངས་ལྔ་པའི་གྲོས་ཆོད་ཁག་བོད་ཀྱི་རྒྱལ་ཡོངས་མང་གཙོ་ཚོགས་པའི་དབུས་སའི་ངོས་ནས་གྲོས་ཆོད་ཁག་ལག་བསྟར་འཐུས་ཚང་གང་ལེགས་གནང་འདུག་པར་བསྔགས་བརྗོད་ཞུ་རྒྱུ་དང་། མ་འོངས་པར་ཡང་མུ་མཐུད་དེ་ལྟར་ལག་བསྟར་གང་ལེགས་དགོས་པའི་འབད་རྩོན་བྱ་རྒྱུ། སྤྱི་མོས།

Scroll Up